Новости проекта
Перенос и удаление уроков
Внесение изменений в личные данные
Голосование
Где Вы планируете провести лето?
Всего 192 человека
Голосование
Самый сложный месяц учебного года?
Всего 222 человека
Голосование
Как Вы оцените нашу школу?
Всего 209 человек
Голосование
Ваш любимый предмет в школе?
Всего 254 человека
Голосование
Как Вам новый сайт?
Всего 195 человек

Работа з адоранымі навучэнцамі

Дата: 28 июля 2016 в 15:36, Обновлено 20 сентября 2017 в 10:21
Автор: Булко Ж. Э.

РАБОТА З АДОРАНЫМІ ВУЧНЯМІ ПА  РАЗВІЦЦЮ МАТЭМАТЫЧНЫХ ЗДОЛЬНАСЦЕЙ

                                                                                                           Гражынская В.Т.,

настаўнік матэматыкі вышэйшай

                                                                                                                         кваліфікацыйнай катэгорыі

Дзейнасць настаўніка па рабоце з адоранымі дзецьмі мае на ўвазе ўцягванне іх у творчую і даследчую дзейнасць, тым самым дапамагае ім пераадольваць сябе, фарміраваць і развіваць  здольнасць ставіць перад сабой задачы, вызначаць шляхі іх дасягнення, планаваць і аналізаваць сваю дзейнасць. Таму навучальны працэс мною  плануецца так, каб стварыць максімальна благанадзейныя ўмовы для раскрыцця і развіцця творчага патэнцыялу вучня. У выніку пазітыўных адносін з боку настаўніка адбываецца павышэнне самаацэнкі дзіцяці, а гэта прама садзейнічае раскрыццю творчага патэнцыялу асобы.

Так як здольнасці выпрацоўваюцца ў дзейнасці, то развіццё здольнасцей залежыць ад арганізацыі дзейнасці. Можна выдзеліць тры аспекты дзейнасці:

  • арганізацыя традыцыйнай урочнай дзейнасці;
  • арганізацыя самастойнай дзейнасці вучняў;
  • арганізацыя пазаўрочнай і пазашкольнай дзейнасці вучняў;

Пры арганізацыі ўрочнай дзейнасці  прапаноўваюцца апераджальныя заданні для высокаматываваных і адораных вучняў. Так вучням, якія лёгка спраўляюцца з абавязковымі заданнямі, прапаноўваюцца  заданні павышанай цяжкасці. Для актывізацыі вучняў на ўроках практыкуюцца розныя  матэматычныя галаваломкі.  Пры планаванні дамашняга задання прадугледжваюцца заданні павышанай складанасці для выканання па жаданню вучняў. Гэтыя заданні патрабуюць нестандартнага мыслення. Заўсёды прыводжу сваім вучням словы Д. Пойа: “Каб навучыцца рашаць задачы, іх патрэбна рашаць” [2, c. 39].

Самастойная дзейнасць вучняў  праяўляецца праз удзел у дыстанцыйных і віртуальных алімпіядах па матэматыцы. Рашэнне заданняў  віртуальных і дыстанцыйных алімпіяд можна параўнаць з разнастайнымі спаборніцтвамі ў спартсменаў: чым больш ты ўдзельнічаеш у розных спаборніцтвах, тым больш набіраешся вопыту.

Адной з разнастайнасцей пазаўрочнай дзейнасці з’яўляецца падрыхтоўка да алімпіяд розных узроўняў. Падрыхтоўка да алімпіяд падзяляецца на сістэмную і інтэнсіўную. Сістэмная работа праводзіцца праз факультатыўныя заняткі, праз урочныя індывідуальныя заданні, стымулюючыя заняткі.  Вучням прапаноўваюцца заданні творчага характару з нарастаючай ступенню складанасці на працягу ўсяго перыяду навучання. Для адораных вучняў рашэнне заданняў не з’яўляецца перагрузкай, а, хутчэй, становіцца дадатковым стымулам у вывучэнні матэматыкі.

Работа з адоранымі вучнямі пачынаецца для мяне яшчэ летам. На пачатак навучальнага года састаўляюцца індывідуальныя маршруты для работы з вучнямі. Формы і метады работы, якія дазваляюць фарміраваць творчую асобу з высокаразвітым матэматычным мысленнем, вельмі разнастайныя. Я выбіраю найбольш аптымальныя з іх, з улікам індывідуальных асаблівасцей вучняў. У навучанні высокаматываваных вучняў вядучымі з'яўляюцца метады творчага характару – праблемныя, пошукавыя, даследчыя, эўрыстычныя, праектныя – у спалучэнні з метадамі самастойнай, індывідуальнай і групавой работы. Усё метады і формы работы з адоранымі дзецьмі  арыентуюцца на эфектыўную дапамогу ў рашэнні яго праблемы, так як яны з’яўляюцца важным фактарам яго паспяховасці ў фарміраванні вучэбнай кампетэнцыі, а таксама развіцці яго пазнавальных здольнасцей і асабістых якасцей. Менавіта таму пры планаванні работы з класам, у якім ёсць адораныя дзеці, безумоўна, я спыняюся на тых задачах вучэбнай дзейнасці, якія заснаваны на ідэях асобасна-арыентаванай адукацыі. Прымяненне на ўроках тэхналогіі развіцця крытычнага мыслення, праектнага метада, тэхналогіі рашэння задач і даследчага метада навучання дазваляе вучням не назапашваць аб’ём ведаў або колькасць інфармацыі, а развіваць уменне кіраваць гэтай інфармацыяй: шукаць, найлепшым чынам прысвайваць, знаходзіць у ёй сэнс, прымяняць у жыцці.

Знаёмства з алімпіяднай матэматыкай пачынаецца ў 5 класе з лагічных задач. У лагічных задачах няма «сур'ёзнай» матэматыкі - няма ні складаных лікавых выразаў, ні функцый, але ёсць хлусы і мудрацы, фальшывыя манеты і незвычайныя шахматныя фігуры, рознакаляровыя фішкі і казачныя героі. У той жа час дух матэматыкі ў такіх задачах адчуваецца вельмі ярка. Поспех рашэння лагічнай задачы складаецца ў тым, каб як след разабрацца ва ўмове, разблытаць усе сувязі паміж аб'ектамі. Рашэнне лагічных задач дапамагае вучням засвайваць веды асэнсавана, з разуменнем, гэта значыць не фармальна.

Немагчыма прывіць цікавасць да матэматыкі навучэнцам, калі сам настаўнік сваім прадметам не захоплены. Таму я пастаянна вучуся, удасканальваю свае веды праз курсы павышэння кваліфікацыі, метадычныя аб’яднанні школы і раёна. Пасля праходжання дыстанцыйных курсаў па тэме “Выкарыстанне сервісаў Web 2.0 ў рабоце настаўніка матэматыкі” мною створаны блог “Рашэнне алімпіядных задач”, з дапамогай якога, я спадзяюся, падрыхтоўка да алімпіяд па матэматыцы будзе праходзіць яшчэ больш прадуктыўна. У блогу змяшчаюцца задачы па розных тэмах, напрыклад “Задачы на пераліванні”, “Лагічныя задачы”, “Задачы на ўзнаўленне лічбаў у прыкладзе”, “Доказ няроўнасцей” і інш.

Зносіны з адоранымі дзецьмі патрабуюць ад настаўніка гібкасці мыслення, творчасці, прафесіяналізма, дазваляюць развівацца самаму, каб быць наперадзе.

Пошук эфектыўных мадэлей і тэхналогій работы з таленавітымі дзецьмі прадаўжаецца, так як я ўпэўнена ў тым, што навучанне адораных дзяцей сёння – гэта мадэль навучання ўсіх дзяцей заўтра.

ЛІТАРАТУРА

  1. Альшевская, И.В. Математика для умниц и умников /             И.В. Альшевская, И.В. Тищенко. – Минск: Бел. ассоц. «Конкурс», 2008.
  2. Пойа, Д. Как решать задачу / Д. Пойа. – Львов: Журнал «Квантор», 1991.

Комментарии:
Оставлять комментарии могут только авторизованные посетители.